იძულებული გავხდით ქვეყანაში არ შემოგვეშვა იმ მომენტში ქვეყნისთვის არასასურველი და სპეციფიური გამოცდილების მქონე 14 ადამიანი, - ამის შესახებ შინაგან საქმეთა მინისტრმა გიორგი გახარიამ განაცხადა. გახარია გამოეხმაურა დეპუტატ ნუკრი ქანთარიას მიერ დასმულ საკითხს, ე.წ. უკრაინელი ბოევიკების ქვეყანაში არ შემოშვებასთან დაკავშირებით.
“მე მათ ვერ დავარქმევდი „ბოევიკებს“, ძალიან ხამამაღალი დასახელებაა. თუმცა ყველა იყო ძალზე სპეციფიური გამოცდილების მქონე ადამიანი. ერთი რამ მინდა გითხრათ, სამართალდამცავმა ორგანოებმა აღკვეთეს დამატებით 14 მსგავსი პროფილის ადამიანის შემოსვლა საქართველოში. ეს იყო უბრალოდ პრევენციის სახით იძულებითი მოქმედება, რომ იძულებული გავხდით ქვეყანაში არ შემოგვეშვა მსგავსი პროფილის ქვეყნისთვის იმ მომენტში არასასურველი, სპეციფიური გამოცდილების და ცოდნების ადამიანები და ასეთი პიროვნება იდენტიფიცირებული იყო 14. მცდელობები იყო იგივე პირების მხრიდან კვლავ საზღრებიდან შემოსვლის, თუმცა ჯერჯერობით ვართ იქ, სადაც ვართ და ამაზე მეტი საუბარი არ შემიძლია“, - განაცხადა გიორგი გახარიამ.