ბექა ნაცვლიშვილი - თამარ ჟვანიამ თავისი საქმიანობიდან გამომდინარე დაამტკიცა, რომ კარგად უძღვება ცესკო-ს

უმრავლესობის წევრი ბექა ნაცვლიშვილი მიიჩნევს, რომ ცესკო-ს თავმჯდომარედ თამარ ჟვანიას კანდიდატურა მისაღებია, რადგან გამოცდილებიდან გამომდინარე ჟვანიას პირობებში არჩევნები ყველაზე მშვიდ გარემოში მიმდინარეობდა.

„ვიზიარებ იმ აზრს, რომ თამარ ჟვანიამ თავისი საქმიანობიდან გამომდინარე დაამტკიცა, რომ კარგად უძღვება ცესკო-ს და შესაბამისად, ამ გამოცდილებიდან გამომდინარე პირადად მე მას დავუჭერდი მხარს. რა გადაწყვეტილებას მიიღებს ცესკო, ვერ გეტყვით.

ახლა ბრალდებების დრო არ არის. ჩვენ უნდა დავაკვირდეთ გამოცდილებას და საერთაშორისო ორგანიზაციების ანგარიშებს და დავინახავთ, რომ თამარ ჟვანიას დროს არჩევნები მიმდინარეობდა ყველაზე მშვიდ გარემოში“, - განაცხადა ბექა ნაცვლიშვილმა.

შეგახსენებთ, საქართველოს პრეზიდენტმა სალომე ზურაბიშვილმა ცესკო-ს თავმჯდომარის თანამდებობაზე სამი კანდიდატი - მარიამ შელეგია, თამარ ჟვანია და ვლადიმერ ბოჟაძე წარადგინა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა