ერაყის პრემიერ-მინისტრმა ადელ აბდელ მაჰდიმ და აშშ-ს სახელმწიფო მდივანმა მაიკ პომპეომ სატელეფონო საუბრისას, სირიიდან აშშ-ს ჯარების გამოყვანის ფონზე ტერორიზმთან ბრძოლაში თანამშრომლობა განიხილეს.
ერაყის პრემიერ-მინისტრის კანცელარიაში განაცხადეს, რომ საუბრისას მაიკ პომპეომ დაადასტურა, რომ აშშ განაგრძობს ტერორისტულ დაჯგუფება „ისლამურ სახელმწიფოსთან“ ბრძოლას სირიიდან ჯარების გამოყვანის მიუხედავად.
მხარეებმა ასევე დაადასტურეს, რომ საჭიროა სირიის კრიზისის პოლიტიკური გადაწყვეტილება, რაზეც უშუალოდ დამოკიდებულია უსაფრთხოება და სტაბილურობა ერაყში.
შეგახსენებთ, რომ ამერიკის პრეზიდენტმა დონალდ ტრამპმა სირიიდან აშშ-ის ჯარების სრულად გაყვანის განკარგულება გასცა.
პრეზიდენტმა ტრამპმა „ტვიტერის“ პირად გვერდზე ოთხშაბათს დაწერა, რომ შეერთებულმა შტატებმა სირიაში ტერორისტულ დაჯგუფება „ისლამურ სახელმწიფოზე“ გამარჯვება მოიპოვა, რაც ერთადერთი მიზეზი იყო იმისა, თუ რატომ იმყოფებოდა იქ ამერიკის საჯარისო კონტინგენტი.