ფრაქცია „ნაციონალური მოძრაობა“ წლის ბოლომდე ჩანიშნულ რიგგარეშე სხდომებში პროტესტის ნიშნად მონაწილეობას არ მიიღებს

ფრაქცია „ნაციონალური მოძრაობა“ წლის ბოლომდე ჩანიშნულ რიგგარეშე სხდომებში პროტესტის ნიშნად მონაწილეობას არ მიიღებს, - ამის შესახებ „ინტერპრესნიუსს“ ფრაქციის თავმჯდომარემ, რომან გოცირიძემ განუცხადა.

მისივე განმარტებით, პროტესტი ქვეყანაში არსებულ ძალადობას და უსამართლობას უკავშირდება.

„საშემოდგომო სესია დამთავრდა გუშინ. ჩვენ ჩავთვალეთ თავი ვალდებულად, რომ დავსწრებოდით შინაგან საქმეთა მინისტრის ანგარიშს და გამოგვეთქვა მკაცრი პროტესტი იმ ძალადობისა და უსამართლობის შესახებ, რაც ქვეყანაში ხდება. პარლამენტმა დანიშნა რიგგარეშე სესია, რომელიც დღევანდელი და მომდევნო ორი სხდომის სახით იქნება მომავალ კვირას. ფრაქციამ მიიღო გადაწყვეტილება, რომ არ მიიღოს მონაწილეობა ამ რიგგარეშე სხდომებში, ქვეყანაში არსებული პოლიტიკური დევნის გამო. ეს არის კანონით გათვალისწინებული პოლიტიკური პროტესტის ერთ-ერთი ფორმა, რომელიც ასევე ასახულია პარლამენტის ახალ რეგლამენტში. რაც შეეხება რეგლამენტის ხარვეზებს, ამის შესახებ არაერთხელ აგვიღნიშნავს, აქ ბევრი რამ არის გასარკვევი და ამაზე დეტალური საუბარი გვექნება სხვა დროს“, - განაცხადა რომან გოცირიძემ.

იხილეთ ვიდეო: ფრაქცია "ნაციონალური მოძრაობა" წლის ბოლომდე ჩანიშნულ რიგგარეშე სხდომებში პროტესტის ნიშნად მონაწილეობას არ მიიღებს

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა