სერგო რატიანი – კომიტეტში ზუგდიდის მე-6 სკოლის დირექტორის გარდაცვალების საქმეზე განხილვის გადადება, ჩვენგან აღიქმება, როგორც საკითხის გაჭიანურება

პარლამენტის კომიტეტში ზუგდიდის მე-6 სკოლის დირექტორის გარდაცვალების საქმეზე განხილვის გადადება, ჩვენგან აღიქმება, როგორც საკითხის გაჭიანურება,- ამის შესახებ „ევროპული საქართველოს" წევრმა სერგო რატიანმა დღეს გამართულ ბრიფინგზე განაცხადა.

სერგო რატიანი განათლების, მეცნიერების და კულტურის კომიტეტის სხდომის გადადებას გამოეხმაურა, რომელზეც ია კერზაიას გარდაცვალების საკითხი უნდა განხილულიყო. გარდა ამისა, „ევროპული საქართველოს" წევრები აუდიტის სამსახურის უფროსის გადადგომას ითხოვენ.

„ევროპულ საქართველოს" დაბარებული ჰყავდა განათლების მინისტრი, თუმცა დღემდე ჩვენ პასუხი არ მიგვიღია. ამის ნაცვლად, განათლების კომიტეტმა და სამინისტრომ შემოგვთავაზა, რომ დღეს უნდა ყოფილიყო აუდიტის სამსახურის ანგარიშის განხილვა. სინამდვილეში მთავარი პრობლემა ამ წუთში არის ზუგდიდის მე-6 საჯარო სკოლაში მომხდარი ტრაგედიის განხილვა. დღეს კომიტეტზე ამის განხილვა გადადებულია. ეს ჩვენგან აღიქმება, პირველ რიგში, როგორც გაჭიანურება და მეორე, განათლების სამინისტროს აუდიტის სამსახურის უფროსი აქამდე გათავისუფლებული უნდა ყოფილიყო. ასევე კომისიამ, რომელიც ხორავას ქუჩაზე მომხდარ ტრაგედიას სწავლობდა, დასკვნა დადო, რომლის თანახმადაც, აუდიტის სამსახურის უფროსი ანგარიშს კი არ უნდა კითხულობდეს, არამედ უკვე გადამდგარი უნდა იყოს. ჩვენი მოთხოვნაა, განათლების მინისტრმა გაგვცეს პასუხი, რატომ არ გაითვალისწინა კომისიის დასკვნა. ჩვენ უნდა ვიცოდეთ, როდის მოვა მინისტრი უმცირესობასთან შესახვედრად", - განაცხადა სერგო რატიანმა.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 06.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან