საგზაო უსაფრთხოების მიმართულებით მომუშავე არასამთავრობოები საპატრულო პოლიციას მომღერალ გია გაჩეჩილაძის მხრიდან დაშვებულ სამართალდარღვევაზე რეაგირებისთვის მიმართავენ

საგზაო უსაფრთხოების მიმართულებით მომუშავე არასამთავრობო ორგანიზაციები საპატრულო პოლიციას, მომღერალ გია გაჩეჩილაძის(უცნობი) მხრიდან დაშვებულ სამართალდარღვევაზე დროული რეაგირებისთვის მიმართავენ.

როგორც „საქართველოს ალიანსი უსაფრთხო გზებისთვის“ მიმართვაშია ნათქვამი, ერთ-ერთ სატელევზიო გადაცემაში გია გაჩეჩილაძეს ავტომობილით მგზავრობისას არ ეკეთა უსაფრთხოების ღვედი და წინა სავარძელზე კალთაში ეჯდა მცირეწლოვანი ბავშვი.

„23 დეკემბერს, სატელევიზიო ეთერში მუსიკალური რუბრიკა „მოძრავი კარაოკე“ გავიდა, რომელშიც მონაწილე ერთ-ერთ ცნობილ სახეს, მომღერალ გია გაჩეჩილაძეს-უცნობს, ავტომობილით მგზავრობისას არ ეკეთა უსაფრთხოების ღვედი და წინა სავარძელზე კალთაში ეჯდა მცირეწლოვანი ბავშვი.

აღსანიშნავია რომ, საქართველოს კანონით საგზაო მოძრაობის შესახებ აკრძალულია 12 წლამდე ბავშვის გადაყვანა მსუბუქი ავტომობილის წინა სავარძლით; ასევე მძღოლი ვალდებულია მექანიკური სატრანსპორტო საშუალების მართვისას უზრუნველყოს მისგან მარჯვენა ან მარცხენა მხარეს მჯდომი მგზავრის მიერ უსაფრთხოების ღვედით სარგებლობა. საქართველოს ადმინისტრაციულ სამართალდარღვევათა კოდექსით, ამ დარღევევბისთვის გათვალისწინებულია ჯარიმა და შესაბამისი ქულების ჩამოკლება.

საგზაო უსაფრთხოების მიმართულებით მომუშავე არასამთავრობო ორგანიზაციები: საქართველოს ალიანსი უსაფრთხო გზებისთვის, საქართველოს ტრანსპორტისა და გზების ასოციაცია, პარტნიორობა საგზაო უსაფრთხოებისთვის, ჰაბ ჯორჯია, საქართველოს ავტომობილის მართვის აკადემია და იარე ფეხით შეშფოთებას გამოვთქვამთ აღნიშნული ფაქტის გამო და მივმართავთ საპატრულო პოლიციას, რათა დროული რეაგირება მოახდინოს აღნიშნულ სამართალდარღვევებზე.

ასევე მივმართავთ გადაცემის საპროდიუსერო ჯგუფს მსგავსი ფორმატის გადაცემები გამოიყენონ უსაფრთხო მგზავრობის პოპულარიზაციისთვის და მოვუწოდებთ მძღოლს, დაიცვას საქართველოს კანონმდებლობით დადგენილი საგზაო უსაფრთხობის წესები, რათა საზოგადოებისთვის საგზაო მოძრაობის წესების დარღევვა არ გახდეს მისაღები ნორმა“, - ნათქვამია „საქართველოს ალიანსი უსაფრთხო გზებისთვის“ მიერ გავრცელებულ ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს