რომან გოცირიძე -  საქართველოში სასამართლო ფეხქვეშ არის გათელილი

„საქართველოში სასამართლო ფეხქვეშ არის გათელილი“, - ამის შესახებ ფრაქცია „ერთიანი ნაციონალური მოძრაობის“ თავმჯდომარემ რომან გოცირიძემ ჟურნალისტებს განუცხადა, რითაც გამოეხმაურა იუსტიციის უმაღლესი საბჭოს მიერ უზენაესი სასამართლოს მოსამართლეების კანდიდატურების წარდგენას. გოცირიძის თქმით, დასახელებული 10-კაციანი შემადგენლობა ის ძველი კლანია, რომელიც ძალადობის დაკანონებით გამოირჩეოდა.

გოცირიძე ასევე გამოეხმაურა ცესკო-ს თავმჯდომარედ თამარ ჟვანიას დანიშვნის საკითხს. მისი თქმით, თამარ ჟვანიას დიდი წვლილი მიუძღვის არჩევნების უსამართლოდ ჩატარებაში. გოცირიძის შეფასებით, ეს სალომე ზურაბიშვილის პირველი ნაბიჯი იყო, რომლითაც მან ფეხი წუმპეში ჩადგა.

საპრეზიდენტო არჩევნების შემდგომმა პირველმა დანიშვნებმა დაგვანახა, რომ სამწუხაროდ ამ ქვეყანაში სასიკეთოდ არაფერი შეიცვლება. დღეს დაინიშნა ცენტრალური საარჩევნო კომისიის თავმჯდომარე, რომელსაც მნიშვნელოვანი როლი მიუძღვის არჩევნების არადემოკრატიულად და უსამართლოდ ჩატარებაში. ეს იყო პრეზიდენტის პირველი ნაბიჯი და პირველივე ნაბიჯით, სამწუხაროდ ფეხი ჩადგა წუმპეში.

ახლა უკვე მეორე სიურპრიზი შემოგვთავაზეს: იუსტიციის საბჭომ წარმოადგინა უზენაესი სასამართლოს მოსამართლეები 10 კაცის შემადგენლობით. ეს შემადგენლობა, ფაქტობრივად არის ის ძველი კლანი, რომელიც დღემდე მართავდა სასამართლო სისტემას და რომელიც გამოირჩეოდა ძალადობის დაკანონებით, პოლიტიკური დევნის ინსტრუმენტად იყო გამოყენებული. საქართველოში სასამართლო ფეხქვეშ არის გათელილი და ის არ ემორჩილება კანონებს, ის ემორჩილება მხოლოდ და მხოლოდ ხელისუფლების პოლიტიკურ ნებას. იმაშიც არ მეპარება ეჭვი, რომ საპარლამენტო უმრავლესობა კვლავ დიდი სიამოვნებით დაამტკიცებს იმ ადამიანებს სასამართლოში, რომლებმაც არაერთი უკანონო საქმე დაგვანახეს“, - განაცხადა რომან გოცირიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს