სერგი კაპანაძე - ხელისუფლება ნამდვილად ვერ მიაღწევს მიზანს, რომ ხორავას ქუჩაზე მომხდარი მკვლელობის საკითხი რადარებიდან გააქროს

ხელისუფლება ნამდვილად ვერ მიაღწევს მიზანს, რომ ხორავას ქუჩაზე მომხდარი მკვლელობის საკითხი გააქროს რადარებიდან, - ამის შესახებ "ევროპული საქართველოს" ერთ-ერთმა ლიდერმა სერგი კაპანაძემ ჟურნალისტებს განუცხადა.

დღეს იურიდიულ საკითხთა კომიტეტის სხდომაზე "ევროპული საქართველო" წარადგენს დადგენილების პროექტს, რომელიც ხორავას ქუჩაზე მომხდარი მკვლელობის საქმეზე შექმნილი დროებითი საგამოძიებო კომისიის მიერ მიღებული რეკომენდაციების შესრულებას შეეხება. კაპანაძის ინფორმაციით, მათი მოთხოვნაა, რომ სამ მთავარ რეკომენდაციაზე იმსჯელონ. ეს რეკომენდაციებია: მიხეილ კალანდიას მიმართ სისხლის სამართლებრივი დევნის დაწყება, მირზა სუბელიანის მიმართ გამოძიების დაწყება და ასევე შსს-ს და პროკურატურის იმ თანამშრომლების მიმართ გამოძიების დაწყება, რომლებმაც კაპანაძის თქმით, ეს საქმე გააყალბეს.

„დღეს იურიდიულ საკითხთა კომიტეტზე „ევროპული საქართველო“ წარადგენს დადგენილების პროექტს, რომელიც ეხება ხორავას ქუჩის საქმეზე შექმნილი საგამოძიებო კომისიის მიერ მიღებული რეკომენდაციების შესრულებას. ეს რეკომენდაციები, რომელიც რამდენიმე თვის წინ არის მიღებული და გადაგზავნილი როგორც შსს-ში, ასევე პროკურატურაში, ჯერ შესრულებული არ არის. შს მინისტრმა გასულ კვირას გვითხრა, რომ პრაქტიკულად პასუხი არ აქვს ამ რეკომენდაციების შესრულებაზე. ამიტომ ჩვენი ამოცანა ახლა არის, რომ პარლამენტში მივიღოთ დადგენილება, რომელშიც სამი ყველაზე მთავარი რეკომენდაცია იქნება ცალკე გამოყოფილი და მოვუწოდოთ პროკურატურას და შს სამინისტროს, რომ ამ სამი რეკომენდაციის შესრულებაზე წარადგინოს ანგარიში პარლამენტში. ეს სამი რეკომენდაციაა: მ.კ.-ს მიმართ სისხლის სამართლებრივი დევნის დაწყება, მირზა სუბელიანის ქმედებების მიმართ გამოძიების დაწყება და შსს-ს და პროკურატურის იმ თანამშრომლების მიმართ საგამოძიებო მოქმედებების დაწყება, რომლებიც მონაწილეობდნენ ამ საქმის გაყალბებაში. ჩვენ გვინდა, რომ პარლამენტში ამ სამ კონკრეტულ საკითხზე ცალკე იყოს განხილვა და ამას ეხება დადგენილებაც. დღეს განხილვა იქნება იურიდიულ საკითხთა კომიტეტში, შემდეგ ეს საქმე მივა პლენარულ სხდომამდე. მთავარი ამოცანა, რომელიც ხელისუფლებას აქვს, რომ ეს თემა გააქროს რადარებიდან, ამ მიზანს ნამდვილად ვერ მიაღწევს", - განაცხადა სერგი კაპანაძემ.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა