გეგმური სარეაბილიტაციო სამუშაოების გამო, ელექტროენერგიის მიწოდება „ენერგო-პრო ჯორჯიას“ აბონენტების ნაწილს შეეზღუდება. ინფორმაციას „ენერგო-პრო ჯორჯია“ ავრცელებს.
მათივე ცნობით, 26 დეკემბერს ელექტროენერგიის მიწოდება 12:00-დან 13:00 საათამდე შეუწყდება მცხეთის მუნიციპალიტეტის სოფლებს ბურიანი, წინამძღვრიანთკარი, ზაქარო, არაშენდა, გალავანი და მიმდებარე სოფლებს.
13:00-დან 14:00 საათამდე - აბონენტებს საგურამოში და წიწამურში, 14:00-დან 15:00 საათამდე - სოფლებს საგურამო, ნანივრალი, ზედაზნის და მიმდებარე ტერიტორიას, ხოლო 17:30-დან 18:00 საათამდე - სოფლებს აღდგომლიანთკარი, მისაქციელი, ნავაზი, ნავაზარი და მიმდებარე სოფლებს.
12:00-დან 18:00 საათამდე გაითიშება დუშეთის მუნიციპალიტეტის სოფლები მაღაროსკარი, ბარისახო, კაწალხევი, დათვისი, ჭორმეშავი და მიმდებარე სოფლები.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.