პარასკევი-შაბათი-კვირა ერთი ავტობუსი რომ დადის „ახმეტელიდან“ „ვარკეთილამდე“, ეს ააღორძინებს ღამის ეკონომიკას?! - აღნიშნული კითხვით მიმართა საკრებულოს სხდომაზე თბილისის მერს ფრაქცია "ნაციონალური მოძრაობის" თავმჯდომარემ ირაკლი ნადირაძემ.

მან კახა კალაძეს ჰკითხა, მიაჩნია, თუ არა, რო “ღამის ეკონომიკა“ მისი წარუმატებელი პროექტი იყო. "მას შემდეგ, რაც თქვენ ღამის ეკონომიკის განვითარება დააანონსეთ, ბატონი გახარია გამოვიდა და ლამის თავზე ჩამოიქცა ის მთავარი ობიექტები, რომელზეც დგას ე.წ. „ღამის ეკონომოკა“. ფიქრობთ, თუ არა, რომ ეს იყო თქვენი წარუმატებელი პროექტი?! როგორ ფიქრობთ, პარასკევი-შაბათი-კვირა ერთი ევტობუსი რომ დადის „ახმეტელიდან“ „ვარკეთილამდე“, ეს ააღორძინებს ღამის ეკონომიკას?!“, - მიმართა ირაკლი ნადირაძემ დედაქალაქის მერს.

ოპოზიციონერმა დეპუტატმა ავარიულ შენობებზეც გაამახვილა ყურადღება და კალაძეს ჰკითხა, რატომ აღარაა მერიის პრიორიტეტი ავარიული შენობების გამაგრება.