სემეკ-ის ტარიფებისა და ეკონომიკური ანალიზის დეპარტამენტის დირექტორი - სამომხმარებლო ტარიფი 1-ელი იანვრიდან ახალი მოცემულობით ამოქმედდება

შემიძლია დანამდვილებით გითხრათ, რომ სამომხმარებლო ტარიფი 1-ელი იანვრიდან ახალი მოცემულობით ამოქმედდება, - ამის შესახებ სემეკ-ის ტარიფებისა და ეკონომიკური ანალიზის დეპარტამენტის დირექტორმა გივი სანიკიძემ ჟურნალისტებს განუცხადა. ამ წუთებში ენერგეტიკისა და წყალმომარაგების მარეგულირებელი კომისიის სხდომაზე ბუნებრივი გაზის ტარიფებზე მსჯელობენ. გივი სანიკიძის ინფორმაციით, ახალი ტარიფი 2019 წლის 1-ელი იანვრიდან 31დეკემბრის ჩათვლით იქნება ძალაში. ცვლილება მილიონამდე აბონენტს შეეხება.

"სამომხმარებლო ტარიფი შედგება მრავალი კომპონენტისგან. კომპანიების მიერ წარმოდგენილი ინფორმაცია ყველა კომპონენტის ნაწილში იქნა გაანალიზებული. ჩვენ წარმოვადგენთ ჩვენს მოსაზრებას თითოეულ კომპანიასთან მიმართებაში კომისიის სხდომაზე, მაგრამ ერთია აპარატის მოსაზრება, რომელსაც შეიძლება არ ეთანხმებოდნენ კომპანიები და მსჯელობის შედეგად უნდა მოხდეს გადაწყვეტილების მიღება. შემიძლია დანამდვილებით გითხრათ, რომ სამომხმარებლო ტარიფი 1-ელი იანვრიდან ახალი მოცემულობით ამოქმედდება. დღეს მოქმედი ტარიფის ვადა იწურება მიმდინარე წლის ბოლოსთვის. შესაბამისად, იმ ტექნიკურ-ეკონომიკური მაჩვენებლების საფუძველზე, რომელიც გაანალიზდა და რომელიც კომისიის აპარატის პროექტით გათვალისწინებული უნდა იქნეს ტარიფში, ბუნებრივია, ცვლილებები იქნება. თუ როგორი ცვლილება იქნება, ამის შესახებ გადაწყვეტილებას მიიღებს კომისია,"- განაცხადა გივი სანიკიძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს