„თელასის“ განცხადებით, სხვადასხვა სამუშაოების ჩატარების გამო, თბილისის რამდენიმე რაიონში 27 დეკემბერს ელექტრომომარაგება დროებით შეიზღუდება.

უფრო კონკრეტულად, სს „საქართველოს რკინიგზის“ მოთხოვნით, სამგორის რაიონში 10:00 საათიდან 15:00 საათამდე შეზღუდვა შეეხება კახეთის გზატკეცილის, მოსკოვის გამზირის, კახეთის ჩიხის, რევაზ მამისაშვილის, ჯავახეთის და გრიგოლ ლორთქიფანიძის ქუჩების მცხოვრებლებს.

ასევე, ქსელზე ახალი აბონენტების მიერთების მიზნით, გლდანის რაიონში 11:00 საათიდან 15:00 საათამდე შეზღუდვა შეეხება გლდანის მასივის III მიკრორაიონის მცხოვრებლებს.

ელექტრომომარაგება შეეზღუდება საბურთალოს რაიონის ნაწილსაც. კერძოდ, 11:00 საათიდან 16:00 საათამდე შეზღუდვა შეეხება ყაზბეგის გამზირის (ნაწილობრივ), ვაჟა-ფშაველას VI კვარტლის, საირმის და შმიდტის ქუჩების მცხოვრებლებს.

როგორც „თელასის“ განცხადებაშია აღნიშნული, შექმნილი დისკომფორტის გამო კომპანია მომხმარებლებს ბოდიშს უხდის და სამუშაოების დასრულების შემდეგ აბონენტებს ელექტრომომარაგება აღუდგება.