საკრებულოს წევრი ლევან არველაძე - ისტორიაში პირველად თბილისის ბიუჯეტმა მილიარდ ლარს გადააჭარბა

თბილისის საკრებულოს ფრაქცია „ქართული ოცნება-დემოკრატიული საქართველოს“ წევრი ლევან არველაძე მომავალ წელს დედაქალაქში დაგეგმილ ინფრასტრუქტურულ პროექტებს და 2019 წლის ბიუჯეტით გათვალისწინებულ სამუშაოებს გამოეხმაურა.

„ჩვენი გუნდი ასრულებს ყველა იმ წინასაარჩევნო დაპირებას, რომელიც მივეცით დედაქალაქის მოსახლეობას. ისტორიაში პირველად თბილისის ბიუჯეტმა მილიარდ ლარს გადააჭარბა, რაც აუცილებლად დადებითად აისახება ქალაქის განვითარებაზე”,- აღნიშნა ლევან არველაძემ.

საკრებულოს წევრმა იმ პროექტებზე გაამახვილა ყურადღება, რომელთა განხორციელებაც მომავალ წელს არის დაგეგმილი.

მისი თქმით, 2019 წლიდან იწყება თბილისის მეტროს რეაბილიტაციის მასშტაბური პროექტი.

„მეტროს ხაზი ფართოვდება ლილოსა და აეროპორტის მიმართულებით და არსებულ სადგურებს შეემატება ახალი, თანამედროვე სტანდარტების შესაბამისი მეტროს სადგურები. არსებულ ხაზზე იზრდება ვაგონების რაოდენობაც, რაც მომატებულ მგზავრთა ნაკადის კომფორტულად გადაადგილებას უზრუნველყოფს. იზრდება მუნიციპალური ავტობუსების რაოდენობაც 400 ერთეულით. უმოკლეს ხანებში სრულიად განახლდება ავტოპარკი ეკოლოგიურად სუფთა და თანამედროვე სტანდარტების შესაბამისი ტრანსპორტით. თბილისში არსებულ 10 საბავშვო ბაგა-ბაღს ჩაუტარდება სრული რეაბილიტაცია და ამასთანავე, დაგეგმილია ახალი სკოლამდელი დაწესებულებების მშენებლობა. დედაქალაქის გამწვანებისა და ეკოლოგიიის მიმართულებით გადაიდგა არაერთი უმნიშვნელოვანესი ნაბიჯი. ამ მიმართულებით სამუშაოები გრძელდება და მომავალ წელს დიღმის ჭალებში და თემქაზე არსებულ ხევში გაშენდება ახალი, კეთილმოწყობილი რეკრეაციული სივრცეები“, - განაცხადა დეპუტატმა.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება