ირაკლი კობახიძე ბესელიას მიერ გუნდის დატოვების შესაძლებლობაზე - ყველაფერი მათ მოქმედებაზეა დამოკიდებული, ეკა ბესელია იმ კავშირზე საუბრობდა, რომელიც არ არსებობს - ეს არ არის გუნდური თამაში

გუნდის ნაწილი იქნება ის, ვინც გუნდის თამაშს თამაშობს,“ - ასე უპასუხა პარლამენტის თავმჯდომარემ ჟურნალისტების კითხვას იმის თაობაზე, შესაძლოა თუ არა, რომ ეკა ბესელიამ „ქართული ოცნების“ გუნდი დატოვოს. კობახიძის თქმით, იმ კავშირზე საუბრობდა ეკა ბესელია, რომელიც არ არსებობს და ეს არ არის გუნდური თამაში.

„რაც შეეხება გუნდის წევრებს, მათ მოქმედებებზეა დამოკიდებული ყველაფერი. გუნდის ნაწილი იქნება ის, ვინც გუნდის თამაშს თამაშობს. ზოგადად ვამბობ ამას. მე მცირე ხარვეზი უკვე გითხარით. მცირე ხარვეზი იყო იმაში, რომ იმ კავშირზე საუბრობდა ქალბატონი ეკა ბესელია, რომელიც რეალურად არ არსებობს. ეს არის, რა თქმა უნდა, წინააღმდეგობაში გუნდურ თამაშთან, თუმცა ეს არის გარკვეული ხარვეზი. ვნახოთ, მომავალში როგორ გაგრძელდება მუშაობა - ხარვეზებით თუ ხარვეზების გარეშე. ჩვენი სურვილია, რომ მაქსიმალურად შევინარჩუნოთ გუნდის ერთიანობა. ზოგადად გუნდი არის ძლიერი და ასევე ძლიერი დარჩება 2020 წლის საპარლამენტო არჩევნებისთვის,“ - განაცხადა ირაკლი კობახიძემ.

დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი