გამოკითხვის თანახმად, 2018 წელს მოწონების რეიტინგში პირველ ადგილს ბარაკ ობამა იკავებს, მეორე ადგილს კი, დონალდ ტრამპი

აშშ-ს პრეზიდენტმა დონალდ ტრამპმა მეორე ადგილი დაიკავა იმ პირთა სიაში, ვინც 2018 წელს ამერიკელებში მოწონება დაიმსახურეს.

ყოველწლიურ გამოკითხვაში, რომელსაც სოციოლოგიური კვლევის სამსახური Gallup 1946 წლიდან ატარებს, პირველი ადგილი აშშ-ს ყოფილმა პრეზიდენტმა ბარაკ ობამამ დაიკავა.

გამოკითხვა 3-12 დეკემბრის პერიოდში ჩატარდა. მასში მონაწილეობა 1025 ამერიკელმა მიიღო. შედეგების თანახმად, ბარაკ ობამათი რესპონდენტთა 19%-ია აღტაცებული, ხოლო დონალდ ტრამპით კი 13%.

რეიტინგში მესამე და მეოთხე ადგილი ყოფილმა პრეზიდენტმა ჯორჯ ბუშმა უფროსმა და რომის პაპმა ფრანცისკემ დაიკავეს, შესაბამისად. აღსანიშნავია, რომ ბარაკ ობამა აღნიშნულ გამოკითხვაში პირველ ადგილს ზედიზედ მეთერთმეტჯერ იკავებს.

აღსანიშნავია, რომ ქალ მოღვაწეებს შორის ამერიკელებში ყველაზე მეტი მოწონება ბარაკ ობამას მეუღლემ მიშელ ობამამ დაიმსახურა. მოქმედი პირველი ლედი მელანია ტრამპი კი მეოთხე ადგილზე აღმოჩნდა.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)