„თელასის“ ინფორმაციით, სხვადასხვა სამუშაოს ჩატარების გამო 29 დეკემბერს თბილისის ნაწილს ელექტრომომარაგება დროებით შეეზღუდება.
უფრო კონკრეტულად, საინვესტიციო პროგრამით გათვალისწინებული სამუშაოების გამო 11:00 საათიდან 17:00 საათამდე შეზღუდვა გლდანის მასივის VII მიკრორაიონის მცხოვრებლებს შეეხებათ.
ელექტრომომარაგება შეიზღუდება საბურთალოს რაიონშიც. ქსელზე ახალი აბონენტების მიერთების მიზნით 11:00 საათიდან 13:00 საათამდე შეზღუდვა შეეხება: სოფელი დიღმის, ფატმანის, შერმადინის და ერედვის ქუჩების მცხოვრებლებს.
ასევე, გადაუდებელი სამუშაოების ჩატარების გამო სამგორის რაიონში 11:00 საათიდან 15:00 საათამდე შეზღუდვა შეეხება: კახეთის გზატკეცილის (ნაწილობრივ) მცხოვრებლებს.
როგორც „თელასის“ მიერ გავრცელებულ განცხადებაშია აღნიშნული, შექმნილი დისკომფორტის გამო კომპანია მომხმარებლებს ბოდიშს უხდის და აცხადებს, რომ სამუშაოების დასრულების შემდეგ აბონენტებს ელექროენერგიის მიწოდება ჩვეულ რეჟიმში აღუდგებათ.