თბილისის საკრებულომ ორხევის ხელოვნების სკოლის სასულე ორკესტრს უმასპინძლა

თბილისის საკრებულომ საახალწლო ღონისძიებაზე, ორხევში მდებარე თბილისის ოთარ თაქთაქიშვილის სახელობის მე-19 ხელოვნების სკოლის სასულე საკრავთა ორკესტრს უმასპინძლა.

როგორც „ინტერპრესნიუსს“ თბილისის საკრებულოდან აცნობეს, საკრებულოს თავმჯდომარე გიორგი ტყემალაძე ორკესტრის წევრებს და პედაგოგებს მიესალმა.

მისი განცხადებით, განუზომელია პედაგოგების ღვაწლი, რომლებიც თავისი შრომით აყვარებენ მომავალ თაობას მუსიკას.

„მინდა მადლობა გადავუხადო ხელოვნების სკოლის ორკესტრის პედაგოგებს, განსაკუთრებით მინდა გამოვყო, სკოლის დირექტორი თამაზ მოლაშვილი, რომელიც უკვე 50 წელია ამ სკოლას ხელმძღვანელობს და მომავალ თაობას ხელოვნების და მუსიკის სიყვარულს უნერგავს. ეს სკოლა უშუალოდ ჩემს სამაჟორიტარო ოლქში მდებარეობს და მე ძალიან კარგად ვიცნობ მათ მუშაობას,“- განაცხადა გიორგი ტყემალაძემ.

თბილისის საკრებულოს თავმჯდომარემ გიორგი ტყემალაძემ, საკრებულოს თავმჯდომარის მოადგილემ მარიკა დარჩიამ, საკრებულოს წევრებმა ხელოვნების სკოლის დირექტორი, სკოლის სასულე ორკესტრის დირიჟორები და ორკესტრის წევრები მადლობის საპატიო სიგელებით და საჩუქრებით დააჯილდოვეს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს