2018 წელს საავტომობილო გზების დეპარტამენტმა 92 პროექტი დაასრულა

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა, 2018 წელს არაერთი მნიშვნელოვანი პროექტი განახორციელა, - ამის შესახებ „ინტერპრესნიუსს“ საავტომობილო გზების დეპარტამენტიდან აცნობეს.

მათი ინფორმაციით, დასრულდა ქობულეთის შემოვლითი გზის 18 კმ-იანი მონაკვეთის მშენებლობა. აღნიშნულ გზაზე აშენდა საქართველოში ამ დროისთვის ყველაზე გრძელი - 1180 მ-იანი ხიდი.

„ახალი გზა ქობულეთს სრულად განტვირთავს სატრანზიტო მოძრაობისგან, რაც კურორტის ეკოლოგიურ გაჯანსაღებას შეუწყობს ხელს. ახალი გზა თბილისიდან-ბათუმამდე მგზავრობის დროს 30 წუთით ამცირებს.

დარიალისა და დევდორაკის ხეობების გადაკვეთის ადგილას, აშენდა ახალი გვირაბი, რომელიც ამ დროისთვის, უპრეცენდენტოა საქართველოში. 1950-იანი წლებიდან მოყოლებული, რიკოთის საავტომობილო გვირაბის მშენებლობის შემდეგ, მსგავსი მასშტაბის გვირაბის მშენებლობა საქართველოში არ განხორციელებულა. 2 კმ-მდე გვირაბი, სტიქიის ზონაში უსაფრთხო გადაადგილებას უზრუნველყოფს.

ასევე, დასრულდა სტეფანწმინდა-სამების ეკლესიამდე მისასვლელი გზის მშენებლობა, ტურისტებს, ადგილობრივ მოსახლეობას და მომლოცველებს გერგეტის სამებამდე მისვლა უკვე განახლებული, კომფორტული და უსაფრთხო გზით შეუძლიათ“, - ნათქვამია გზების დეპარტამენტის მიერ გავრცელებულ ინფორმაციაში.

საავტომობილო გზების დეპარტამენტის ინფორმაციით, 2018 წელს გზების დეპარტამენტმა სულ 92 პროექტი დაასრულა, რეაბილიტაცია ჩაუტარდა 220 კმ. გზას, 21 ხიდსა და 1 გვირაბს, აშენდა 8 ახალი ხიდი და დასრულდა 17 ნაპირსამაგრი პროექტი.

ამასთან, 2019 წელს დაიწყება რიკოთის საუღელტეხილო გზისა და ქვეშეთი-კობის გზის მშენებლობა, ასევე დაგეგმილია 300 კმ-მდე გზის რეაბილიტაცია. 2019 წელს, საავტომობილო გზების დეპარტამენტის ბიუჯეტი 1 მილიარდ 300 მილიონ ლარი იქნება.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 15.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
გამოიძახე ექიმი სახლში - REDMED ინოვაცია ქართულ სამედიცინო სფეროში
#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა