აშშ-ს პრეზიდენტმა დონალდ ტრამპმა განაცხადა, რომ მოუთმენლად ელის შეხვედრას ჩრდილოეთ კორეის ლიდერთან კიმ ჩენ ინთან. ამის შესახებ აშშ-ს პრეზიდენტმა “ტვიტერის” საკუთარ გვერდზე დაწერა.
“მოუთმენლად ველი შეხვედრას ჩრდილოეთ კორეის სახელმწიფო საბჭოს თავმჯდომარესთან კიმ ჩენ ინთან. მას მშვენივრად ესმის, რომ ჩრდილოეთ კირეას უზარმაზარი ეკონომიკური პოტენციალი აქვს”, - განაცხადა დონალდ ტრამპმა.
აღსანიშნავია, რომ გუშინ კიმ ჩენ ინმა დონალდ ტრამპთან შეხვედრის მზაობა გამოხატა. შეგახსენებთ, რომ დონალდ ტრამპსა და კიმ ჩენ ინს შორის პირველი შეხვედრა გასული წლის 2 ივლისს სინგაპურში შედგა. შეხვედრის შედეგად მხარეებმა ერთობლივი განცხადება მიიღეს, რომელშიც ოფიციალურმა ფხენიანმა კორეის ნახევარკუნძულის დენუკლეარიზაციისთვის საჭირო ნაბიჯების განხორციელების მზაობა დააფიქსირა.