პრეზიდენტი „რუხის სავაჭრო ცენტრში“ ინოვაციების ცენტრს ესტუმრა

საქართველოს პრეზიდენტი „საპარტნიორო ფონდის“ შვილობილ კომპანია „რუხის სავაჭრო ცენტრში“ არსებულ ინოვაციების ცენტრს ესტუმრა. სალომე ზურაბიშვილი ინოვაციების ცენტრის მუშაობის სპეციფიკას და ტექნოპარკის მიზნებს გაეცნო. პრეზიდენტი ტრენინგებზე შეკრებილ ბავშვებს გაესაუბრა და ადგილობრივ მოსახლეობას შეხვდა.

შეხვედრაზე აღინიშნა, რომ კერძო კომპანიები ამ სივრცის გამოყენებით საკუთარ ბიზნეს საქმიანობას ავითარებენ და ყოველდღიურად იღრმავებენ საჭირო ცოდნას, როგორც ინოვაციებისა და ტექნოლოგიების სფეროში, ასევე, მეწარმეობის განვითარების მიმართულებით.

პრეზიდენტს ტრენინგებზე შეკრებილმა ახალგაზრდებმა ახალი ტექნოლოგიების გამოყენებით ამობეჭდილი საქართველოს დროშა უსახსოვრეს.

სალომე ზურაბიშვილმა „რუხის სავაჭრო ცენტრი“ დაათვალიერა. საოკუპაციო ხაზიდან 600 მეტრში მდებარე რუხი მოლის ფუნქციები პრეზიდენტს სამეგრელო ზემო-სვანეთის გუბერნატორმა ალექსანდრე მოწერელიამ, ადგილობრივი თვითმმართველობის წარმომადგენლებმა და „რუხის სავაჭრო ცენტრის“ დირექტორმა დავით მაჭავარიანმა გააცნო.

აღნიშნულ ინფორმაციას პრეზიდენტის პრესსამსახური ავრცელებს.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში