ეს განსაკუთრებული შობაა მართლმადიდებელი სამყაროსთვის, იმიტომ რომ უკრაინის ეკლესიამ დამოუკიდებლობა მოიპოვა, - ამის შესახებ „ევროპული საქართველოს“ წევრმა გიგი წერეთელმა სამების საკათედრო ტაძარში განაცხადა, სადაც საშობაო ლიტურგიას დაესწრო.
„ვულოცავ ყველას ამ არაჩვეულებრივ დღეს, რომელიც სიხარულით არის სავსე. ყველა ოჯახს საქართველოში ჰქონდეს ეს ბედნიერება და შობას მოეტანოს ბევრი სიკეთე, რაც აუცილებლად საჭიროა ჩვენი ქვეყნისთვის. მეტი სიყვარული, მეტი პატივისცემა, მეტი რწმენა. ეს განსაკუთრებული შობაა მართლმადიდებელი სამყაროსთვის, იმიტომ რომ მოხდა მნიშვნელოვანი მოვლენა, უკრაინის ეკლესიამ დამოუკიდებლობა მოიპოვა. ვულოცავ უკრაინელ ხალხს ამ დიდ მოვლენას“, - განაცხადა წერეთელმა.
მართლმადიდებელი სამყარო დღეს მაცხოვრის შობის ბრწყინვალე დღესასწაულს აღნიშნავს.