ჭავჭავაძის გამზირზე ავარიის შედეგად დაშავებულმა სამმა პირმა, რომლებიც ღუდუშაურის კლინიკაში გადაიყვანეს, სამედიცინო დაწესებულება უკვე დატოვეს.
როგორც „ინტერპრესნიუსს" ღუდუშაურის კლინიკის დირექტორის მოადგილემ, მარინა გელანტიამ განუცხადა, მათთან 3 პირი შეიყვანეს, რომელთაც შესაბამისი მკურნალობა გაუწიეს.
„ერთი პაციენტის მდგომარეობა შედარებით დამაკმაყოფილებელი იყო. შესაბამისად მისი გაწერა კლინიკიდან მალევე მოხდა. რაც შეეხება კლინიკაში შემოყვანილ ორ დაშავებულ პაციენტს, მათ ჰქონდათ თავის ტრავმა. ჩაუტარდათ შესაბამისი მკურნალობა, რის შემდეგაც მათ გამოთქვეს სურვილი, რომ დაეტოვებინათ კლინიკა და ამჟამად ისინი უკვე გაწერილი არიან“, - განაცხადა მარინა გელანტიამ.
შეგახსენებთ, რომ დღეს, ჭავჭავაძის გამზირზე სასწრაფო სამედიცინო დახმარების ავტომანქანა ტროტუარზე მდგომ მამაკაცებს დაეჯახა. გარდაცვლილია ერთი და დაშავებულია 12 ადამიანი.
დაშავებულებები სხვადასხვა კლინიკებში გადაიყვანეს.