მამუკა ხაზარაძე და „თიბისი ბანკი“ ავრცელებს იმ ინფორმაციას, რომელიც შეესაბამება რეალობას, იმედია პროკურატურა ნახავს ამ დოკუმენტაციას დეტალურად და მეტი კითხვა არ დარჩება, - ამის შესახებ „თიბისი ბანკის“ დამფუძნებლის, მამუკა ხაზარაძის ადვოკატმა, ზვიად კორძაძემ „პალიტრანიუსის“ გადაცემაში „360 გრადუსი“ განაცხადა.
როგორც ის განმარტავს, 11 წლის წინ განხორციელებულ ტრანზაქციასთან დაკავშირებით, მათ პროკურატურას ინფორმაცია დეტალურად მიაწოდეს.
„ეს არ არის ვერსია, ეს არის დოკუმენტებით დადასტურებული სიტუაცია, ამ ფულების მისვლა-მოსვლა, წარმომავლობა, სად ჩაირიცხა, ბანკში შევიდა თუ არა, ეს გამჭვირვალე ოპერაციებია, ყველა ეს საბუთი პროკურატურას გადაგზავნილი აქვს. მესმის, რომ მოცულობითია, მაგრამ იმედი მაქვს რომ გაერკვევა“, - განაცხადა კორძაძემ.