ბიძინა ივანიშვილის განცხადებაში დავინახე, რომ მოლაპარაკების რესურსი არსებობს და უზენაესი სასამართლოს მოსამართლეობის კანდიდატებისთვის კრიტერიუმების დადგენას თავადაც უჭერს მხარს, - ასე აფასებს პარტია „ქართული ოცნება - დემოკრატიული საქართველოს“ ლიდერის ბიძინა ივანიშვილის განცხადებას საპარლამენტო უმრავლესობის წევრი ბექა ნაცვლიშვილი.

„სწორედ ამიტომ გავაკეთეთ განცხადებები, რომ გვინდოდა კონკრეტული კრიტერიუმები დადგენილიყო და გვინდოდა ამ სიაზე მეტი ემსჯელა გუნდს შიგნით. ვინ ვის აკრიტიკებს არ არის მნიშვნელოვანი. მნიშვნელოვანია, რომ ღიად გამოთქმულმა ჩვენმა პოზიციამ სიასთან დაკავშირებით გარკვეული თვალსაზრისით გუნდს უბიძგა მსჯელობისკენ“, - განაცხადა ნაცვლიშვილმა.

მისივე თქმით, სასიხარულოა, პარტიის თავმჯდომარის პოზიცია, რომ გუნდში არსებობს სივრცე ამ საკითხებზე მსჯელობის.