პედიატრი - შესაძლოა, სწავლის დაწყების შემდეგ მომართვიანობამ მოიმატოს, მაგრამ არ მგონია, რომ იმ პიკურ მაჩვენებელს მიაღწიოს, რაც მანამდე გვქონდა

შესაძლოა, სწავლის დაწყების შემდეგ მომართვიანობამ მოიმატოს, მაგრამ არ მგონია, რომ იმ პიკურ მაჩვენებელს მიაღწიოს, რაც მანამდე გვქონდა, - ამის შესახებ პედიატრმა თემურ მიქელაძემ ჟურნალისტებს განუცხადა.

მისი თქმით, ბოლო პერიოდში მიმართვიანობა შემცირებულია, რაც სავარაუდოდ, სასწავლო პროცესის გადადებამ გამოიწვია.

„ჩემი პაციენტების 1/3 ან 2/3 მეტნაკლებად ლაბორატორიულად დადასტურებული H1N1-ია, თუმცა, როცა პაციენტი ამბულატორიულად მოგვმართავს, მას ლაბორატორიულად დადასტურება არ სჭირდება, რადგან გრიპის სიმპტომები არის მაღალი ცხელება, თავისა და ყელის ტკვილი, ზოგ შემთხვევაში ხველა და ა.შ. თუ ასეთი სიმპტომები აღინიშნება, მაშინ, ფაქტობრივად, კლინიკურად დასტურდება, რომ ეს არის H1N1”,- აღნიშნა მან.