საქართველოს მეხუთე პრეზიდენტის პირველი სამუშაო ვიზიტი პრეზიდენტის რანგში ბრიუსელში - ევროკავშირსა და ნატოში გაიმართება, - ამის შესახებ სალომე ზურაბიშვილმა მედიასთან შეხვედრისას განაცხადა.
"ამის შესახებ უკვე ნათქვამი მქონდა, მაგრამ ვიტყვი, პირველი ვიზიტი იქნება ბრიუსელი - ევროკავშირი, ნატო",- აღნიშნა ზურაბიშვილმა.
ამერიკის შეერთებულ შტატებში ვიზიტთან დაკავშირებით დასმული კითხვის პასუხად კი ზურაბიშვილმა განაცხადა: "მარტო ჩემი სურვილი საკმარისი არ არის. ვმუშაობთ და ველოდებით პასუხს".
საქართველოს ახლად არჩეული პრეზიდენტი სალომე ზურაბიშვილი მედიას გაფართოებულ ფორმატში დღეს პირველად შეხვდა.