ირაკლი კობახიძე იუსტიციის უმაღლესი საბჭოს მდივანს შეხვდება

საქართველოს პარლამენტის თავმჯდომარე ირაკლი კობახიძე ხვალ, იუსტიციის უმაღლესი საბჭოს მდივანს, გიორგი მიქაუტაძეს შეხვდება.

როგორც „ინტერპრესნიუსს“ საქართველოს პარლამენტიდან აცნობეს, შეხვედრა პარლამენტში 10:30 საათზეა დანიშნული. შეხვედრის შემდეგ მედიისთვის განცხადება გაკეთდება.

საქართველოს უზენაესი სასამართლოს მოსამართლეობის 10-კაციან სიას, რომელიც პარლამენტს იუსტიციის უმაღლესმა საბჭოს წარუდგინა, მმართველ გუნდში აზრთა სხვადასხვაობა და დაპირისპირება მოჰყვა. უმრავლესობის წევრთა ნაწილი ფიქრობს, რომ სია პარლამენტში არ უნდა გავიდეს, თავის მხრივ, სიის გაწვევას არ აპირებს იუსტიციის უმაღლესი საბჭო. სწორედ უზენაესი სასამართლოს მოსამართლეების სია დაასახელა მიზეზად ეკა ბესელიამ, რომელმაც იურიდიული კომიტეტის თავმჯდომარის პოსტი რამდენიმე კვირის წინ დატოვა.

უზენაესი სასამართლოს მოსამართლეობის წარდგენილ კანდიდატთა სიას გამოეხმაურა პარტია „ქართული ოცნება - დემოკრატიული საქართველოს“ თავმჯდომარე ბიძინა ივანიშვილიც, რომელმაც განაცხადა, რომ მოსამართლეებთან დაკავშირებით გადაწყვეტილებების მიღება ფართო მსჯელობის საფუძველზე მოხდება, რომელშიც დაინტერესებული მხარეები ჩაერთვებიან.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს