ირაკლი კობახიძის და იუსტიციის უმაღლესი საბჭოს მდივნის შეხვედრა მიმდინარეობს

საქართველოს პარლამენტის თავმჯდომარე ირაკლი კობახიძე იუსტიციის უმაღლესი საბჭოს მდივანს, გიორგი მიქაუტაძეს ხვდება.

შეხვედრა პარლამენტის შენობაში რამდენიმე წუთის წინ დაიწყო. შეხვედრის დასრულების შემდეგ მედიისთვის განცხადება გაკეთდება.

შეგახსენებთ, რომ საქართველოს უზენაესი სასამართლოს მოსამართლეობის 10-კაციან სიას, რომელიც პარლამენტს იუსტიციის უმაღლესმა საბჭოს წარუდგინა, მმართველ გუნდში აზრთა სხვადასხვაობა და დაპირისპირება მოჰყვა. უმრავლესობის წევრთა ნაწილი ფიქრობს, რომ სია პარლამენტში არ უნდა გავიდეს, თავის მხრივ, სიის გაწვევას არ აპირებს იუსტიციის უმაღლესი საბჭო. სწორედ უზენაესი სასამართლოს მოსამართლეების სია დაასახელა მიზეზად ეკა ბესელიამ, რომელმაც იურიდიული კომიტეტის თავმჯდომარის პოსტი რამდენიმე კვირის წინ დატოვა.

უზენაესი სასამართლოს მოსამართლეობის წარდგენილ კანდიდატთა სიას გამოეხმაურა პარტია „ქართული ოცნება - დემოკრატიული საქართველოს“ თავმჯდომარე ბიძინა ივანიშვილიც, რომელმაც განაცხადა, რომ მოსამართლეებთან დაკავშირებით გადაწყვეტილებების მიღება ფართო მსჯელობის საფუძველზე მოხდება, რომელშიც დაინტერესებული მხარეები ჩაერთვებიან.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა