დღეს, 23:30 საათზე, კახეთის გზატკეცილისა და ჯავახეთის ქუჩის გადაკვეთაზე, მოძრაობა შეიზღუდება. ამის შესახებ „ინტერპრესნიუსს“ შინაგან საქმეთა სამინისტროდან აცნობეს.

მათი ინფორმაციით, აღნიშნულ მონაკვეთზე საავტომობილო მოძრაობის შეზღუდვა ე.წ. ვარკეთილის ხიდების აღდგენა-რეკონსტრუქციის ფარგლებში მოხდება.

ავტოტრანსპორტის გადაადგილება დროებით, ნებადართული იქნება სავალი გზის საპირისპირო ზოლში. შეზღუდვა მიმდინარე წლის 13 იანვარამდე იმოქმედებს.