„სოფლის მხარდაჭერის პროგრამის“ ფარგლებში, მოსახლეობის საერთო კრება პირველად სიღნაღის მუნიციპალიტეტის სოფელ ნუკრიანში ჩატარდა

კახეთის რეგიონში „სოფლის მხარდაჭერის პროგრამის“ ფარგლებში, მოსახლეობის საერთო კრება პირველად სიღნაღის მუნიციპალიტეტის სოფელ ნუკრიანში ჩატარდა.

დღეს, კახეთის სახელმწიფო რწმუნებულმა - ირაკლი ქადაგიშვილმა და სიღნაღის ადგილობრივი თვითმმართველობის ხელმძღვანელმა პირებმა მოსახლეობასთან კონსულტაცია გამართეს. მათ ადგილობრივებს მიაწოდეს ინფორმაცია იმის თაობაზე, რომ 2019 წლიდან ამოქმედდა „სოფლის მხარდაჭერის პროგრამა“, რომლის მიხედვითაც სოფლის განვითარებისთვის პრიორიტეტულ მიმართულებას, ასევე, თუ რომელი პრობლემის მოსაგვარებლად უნდა დაიხარჯოს კონკრეტული სოფლისთვის განკუთვნილი თანხა, თავად სოფლის მკვიდრი მოსახლეობა გადაწყვეტს.

„სოფლად მცხოვრებ მოსახლეობასთან მსგავსი კრება/კონსულტაცია მუნიციპალიტეტის ყველა სოფელში გაიმართება და მოქალაქეებს საშუალება მიეცემათ მაქსიმალურად იყვნენ ჩართულნი „სოფლის მხარდაჭერის პროგრამით“ გათვალისწინებული სამუშაო პროცესის ყველა ეტაპზე. დღეს, „სოფლის მხარდაჭერის პროგრამის“ ფარგლებში, ირაკლი ქადაგიშვილმა ახმეტის მუნიციპალიტეტში, სოფელ მატანში ადგილობრივ მოსახლეობასთან გამართულ საერთო კრებაშიც მიიღო მონაწილეობა“, - ნათქვამია გუბერნატორის პრესსამსახურის მიერ გავრცელებულ ინფორმაციაში.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში