გედევან ფოფხაძე - უნდა გვესმოდეს, რომ არ შეიძლება მართლმადიდებელი ქვეყნის მიმართ განხორციელდეს აგრესია და არ ვიყოთ სოლიდარულები უკრაინელ ხალხთან

მიუხედავად იმისა, რომ ნამდვილად მაქვს სურვილი, მსოფლიოში ყველა მართლმადიდებელი ვიყოთ ერთიანი, ისიც კარგად უნდა გვესმოდეს, რომ არ შეიძლება მართლმადიდებელი ქვეყნის მიმართ განხორციელდეს აგრესია და არ შეიძლება, არ ვიყოთ სოლიდარულები უკრაინელ ხალხთან, - ამის შესახებ საპარლამენტო უმრავლესობის წევრმა გედევან ფოფხაძემ უკრაინის ეკლესიის ავტოკეფალიასთან დაკავშირებით ჟურნალისტებს განუცხადა. მისი თქმით, ეს არის ბუნებრივი და ლოგიკური პროცესი.

ამასთან, როგორც ფოფხაძემ აღნიშნა, ამ საკითხთან დაკავშირებით საპატრიარქოს პოზიციის პოლიტიკოსების მიერ შეფასება სწორად არ მიაჩნია. „ეს არის ბუნებრივი პროცესი, რომელიც გამოიწვია რუსეთის აგრესიამ და მისმა საოკუპაციო პოლიტიკამ უკრაინასთან მიმართებაში. ჩვენც რომ ვყოფილიყავით რუსეთის ეკლესიის ნაწილი, ბუნებრივია, ასეთი პროცესების შემდეგ ჩვენც ცალსახა პოზიცია გვექნებოდა. ქართული მართლმადიდებლური ეკლესია გაცილებით ძველია და მისი ავტოკეფალია აბსოლუტურად კანონზომიერია. შესაბამისად, უკრაინამაც მიიღო ის გადაწყვეტილება, რაც ამ შემთხვევაში ბუნებრივი იყო. რაც შეეხება საპატრიარქოს პოზიციას, მე ნამდვილად არ ვაპირებ მისი პოზიციის შეფასებას. არა მგონია, რომ პოლიტიკოსების მხრიდან ეს სწორი იყოს. ჩემს პოზიციას კი ცალსახად ვაფასებ - მივესალმები ამ პროცესებს. მიმაჩნია, რომ ეს არის ობიექტური და ლოგიკური პროცესი.

მიუხედავად იმისა, რომ ნამდვილად მაქვს სურვილი, მსოფლიოში ყველა მართლმადიდებელი ვიყოთ ერთიანი, ვინაიდან საერთო ღირებულებები და რწმენა გაგვაჩნია, ისიც კარგად უნდა გვესმოდეს, რომ არ შეიძლება მართლმადიდებლური ქვეყნის მიმართ განხორციელდეს აგრესია და არ შეიძლება, არ ვიყოთ სოლიდარულები უკრაინელ ხალხთან“, - განაცხადა გედევან ფოფხაძემ.

დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი