მცხეთის ჯვრის მონასტერი სავარაუდოდ, დღეს გაიხსნება

მცხეთის ჯვრის მონასტერი სავარაუდოდ, დღეს გაიხსნება - ამის შესახებ „ინტერპრესნიუსს“ მცხეთის მერმა გიორგი კაპანაძემ განუცხადა. როგორც გიორგი კაპანაძემ აღნიშნა, ის გუშინ ესაუბრა საპატრიარქოს წარმომადგენლებს ტელეფონით და მიიღო დაპირება, რომ დღეს გაიხსნება მონასტერი. ამასთან, მერი მზადყოფნას გამოთქვამს ტერიტორიის უკეთ მოსაწყობად, გარემოვაჭრეებს ახალი, უკვე გამზადებული დახლები დაუდგას იმ შემთხვევაში, თუ ტაძრის წინამძღვარი კონსტანტინე ჭინჭარაული მას ამის ნებართვას მისცემს.

„გუშინ ვესაუბრე საპატრიარქოს პრესსამსახურს, მათ მითხრეს, რომ დღეს გაიხსნება მონასტერი. რაც შეეხება გარემოვაჭრეთა საქმიანობას, მე დღესვე მზად ვარ მოვუწყო მოვაჭრეებს დახლები, თუ იქნება მონასტრის წინამძღვარის ნება“, - განაცხადა მცხეთის მერმა გიორგი კაპანაძემ.

მცხეთის ჯვრის მონასტერი მესამე დღეა დაკეტილია.

გუშინ საღამოს საპატრიარქომ განცხადებაც გაავრცელა სადაც აღნიშნულია, რომ ჯვრის მონასტერთან დაკავშირებით ამჟამად შექმნილი ვითარება გარემოვაჭრეების საქმიანობის მოწესრიგებისათვის გადადგმული ნაბიჯია.

„ჩვენ გვესმის, რომ ხალხს უჭირს და ლუკმა-პურის საშოვნელად სხვადასხვა საშუალებას მიმართავს, მაგრამ როდესაც ამდენი ტურისტი და მომლოცველი ჰყავს ქვეყანას უხერხულია, ეს ტაძრები თავისი დიდებულებით გვიყურებდნენ წარსულიდან და XXI საუკუნის საქართველო კი მათ გვერდით მიუღებელი და მოუწესრიგებელი სახით იყოს წარმოჩენილი.

საქართველოს საპატრიარქო მიმართავს ხელისუფლებას, და, პირველ რიგში, კულტურის სამინისტროს, ქმედითი ნაბიჯები გადაიდგას, რათა ეკლესიის მიმდებარე ტერიტორიებზე ცივილური სახე მიეცეს გარემოვაჭრეთა საქმიანობას“, - ნათქვამია საპატრიარქოს განცხადებაში.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს