მზაობაა ყველას მხრიდან, რომ კონკრეტული ნაბიჯები გადაიდგას და მოწესრიგდეს მსგავსი ქაოტური ადგილები, - ამის შესახებ განათლების მინისტრმა მიხეილ ბატიაშვილმა ჯვრის მონასტრის გარშემო შექმნილ ვითარებასთან დაკავშირებით განაცხადა.
„როგორც ვიცი ამ მომენტისთვის პრობლემა დროებით გადაჭრილია, მაგრამ ვფიქრობთ, რომ ამ მიმართულებით სამუშაოები მართლაც განსახორციელებელია. ვფიქრობთ, ასეთი ადგილები უნდა მოწესრიგდეს. ამ მიმართულებით ჩვენი მხრიდან მუშაობა დაწყებულია უკვე იმ კონკრეტულ ნაბიჯებზე, რომელიც მოიცავს თუ როგორ მოვაწესრიგოთ ეს ყველაფერი. ქალაქშიც ბევრ ადგილას გვაქვს ქაოტური ადგილები, რომლებიც სასწრაფო რეჟიმში საჭიროებს მოწესრიგებას. ყველას მზაობაა იმისთვის, რომ გადაიდგას კონკრეტული ნაბიჯები, რომ ადგილები როგორც ტურისტებისთვის, ასევე ჩვენთვის იყოს მოწესრიგებული. შესაბამისად, ეს ყველაფერი ცივილურ გარემოს უნდა პასუხობდეს. ნაბიჯებზე ახლა ვმუშაობთ, რა უნდა გაკეთდეს. დღევანდელი სიტუაცია მართლაც არასახარბიელოა, რომელიც იწვევს გაუგებრობას. ძალიან მალე წარმოვადგენთ რა უნდა გაკეთდეს ამისთვის",- განაცხადა ბატიაშვილმა.