განათლების ექსპერტი თამარ ჯაყელი განათლების რეფორმის მიმართულებით მიმდინარე პროცესებს აფასებს და აცხადებს, რომ ყველა ნაბიჯი სისტემის გაჯანსაღებისა და ფუნდამენტური ცვლილებებისთვის არის მიმართული. მისი თქმით, საპილოტე სკოლაში ინერგება ახალი სკოლის მოდელი და ახალი საგაკვეთილო პროცესი.
„ნათლად ჩანს ბავშვების, პედაგოგების ენთუზიაზმი და რაც მთავარია ის შედეგები, რომელიც ასეთი ტიპის საგაკვეთილო პროცესებს მოაქვს. მოსწავლეებს უვითარდებათ კრიტიკული აზროვნების უნარები, ეს არის სწორედ აზროვნებაზე დაფუძნებული სასწავლო პროცესები“, - განაცხადა თამარ ჯაყელმა.
განათლების მინისტრის განცხადებით, სკოლის ასეთი მოდელის დანერგვა საქართველოს ათეულობით სკოლაში გაზაფხულიდან დაიწყება და საბოლოო ჯამში, ქვეყნის ყველა სკოლას მოიცავს.
ჯაყელის კომენტარს განათლების სამინისტრო ავრცელებს.