ევროკავშირი დიდი ბრიტანეთის პრემიერისგან ახალ შეთავაზებებს ელის მას შემდეგ, რაც პარლამენტმა მხარი არ დაუჭირა ევროკავშირიდან გასვლის გეგმას, - ამის შესახებ გერმანიის კანცლერმა ანგელა მერკელმა განაცხადა.
„მივიჩნევთ, რომ ახლა ბრიტანულმა მხარემ უნდა გვითხრას თუ რა მოხდება შემდგომში. ბრიტანეთის პრემიერმა უკვე დააანონსა ეს. გვსურს „ბრექსიტისგან“ ზიანის მინიმიზირება. ამიტომაც შევეცდებით ვიმუშავოთ იმაზე, რომ ეს პროცესი მოწესრიგებული იყოს“, - განაცხადა ანგელა მერკელმა.
შეგახსენებთ, რომ გუშინ დიდი ბრიტანეთის პარლამენტის თემთა პალატამ ხმათა უმრავლესობით ჩააგდო ევროკავშირისა და დიდი ბრიტანეთის მთავრობის მიერ შეთანხმებული პროექტი, რომელიც ევროკავშირის შემადგენლობიდან დიდი ბრიტანეთის გასვლას ეხებოდა.