აშშ-ში ირანული ტელეარხ PressTV-ს ჟურნალისტის მარზიე ხაშემის დაკავება არაკანონიერი და ადამიანის უფლებების დარღვევას წარმოადგენს. ამის შესახებ ირანის საგარეო საქმეთა სამინისტროს ოფიციალურმა წარმომადგენელმა ბაჰრამ ღასემიმ განაცხადა.
„ვგმობთ აშშ-ს ქმედებებს. მარზიე ხაშემი უკანონოდ დააკავეს. ამერიკული მხარის მასთან მიმართებაში ქმედებები ადამიანის უფლებების უხეში დარღვევაა. ორი დღის განმავლობაში მას შესაძლებლობა არ ჰქონდა ვინმესთან კავშირზე გასულიყო, ხოლო დაკავების შემდეგ ისე ეპყრობოდნენ, რომ მას, როგორც მუსლიმს, შეურაცხყოფას აყენებს“, - განაცხადა ირანის საგარეო უწყების ოფიციალურმა წარმომადგენელმა.
ირანული ტელეარხის PressTV-ის ჟურნალისტი ვაშინგტონში დააკავეს. ამის შესახებ დღეს გახდა ცნობილი მას შემდეგ, რაც ის ორი დღის განმავლობაში კავშირზე არ გამოდიოდა. არსებული ინფორმაციით, ხაშემი ამერიკაში თავისი ნათესავების მოსანახულებლად ჩავიდა. ამ მომენტისთვის მისთვის ბრალდება ჯერ არ წაუყენებიათ და უცნობია დაკავების მიზეზი.