გურჯაანის სასამართლომ ველისციხის ინციდენტში მონაწილე ბესიკ გაზდელიანს 7-დღიანი ადმინისტრაციული პატიმრობა შეუფარდა

გურჯაანის რაიონულმა სასამართლომ ველისციხის ინციდენტში მონაწილე ბესიკ გაზდელიანი დამნაშავედ სცნო.

მოსამართლე იოსებ აბრამიძემ ბრალდებულს შვიდდღიანი ადმინისტრაციული პატიმრობა შეუფარდა. გაზდელიანი დღეს სასამართლო დარბაზშივე დააკავეს.

გამოძიების მტკიცებით, გაზდელიანი აქციის მონაწილეებს მოუწოდებდა, რომ პოლიციელებს არ დამორჩილებოდნენ. ბესიკ გაზდელიანის ადვოკატი ბრალდებებს არ ეთანხმება და მიიჩნევს, რომ მისი დაცვის ქვეშ მყოფი პოლიტიკური მოტივით დააკავეს.

ბესიკ გაზდელიანის წინააღმდეგ გამოძიება ადმინისტრაციულ სამართალდარღვევათა კოდექსის 173-ე მუხლით მიმდინარეობდა, რაც პოლიციელის კანონიერი მოთხოვნისადმი დაუმორჩილებლობას გულისხმობს.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“