დიმიტრი ცქიტიშვილი - მოსამართლემ პოლიტიკური განცხადებები არ უნდა აკეთოს, ისევე როგორც სასამართლოში საქმის წარმოების პროცესში არ უნდა ჩაერიოს პოლიტიკოსი

მოსამართლემ, იუსტიციის უმაღლესი საბჭოს წევრმა პოლიტიკური განცხადებები არ უნდა აკეთოს, ისევე როგორც სასამართლოში საქმის წარმოების პროცესში არ უნდა ჩაერიოს პოლიტიკოსი – ეს არის ზღვარი, რომელიც არ უნდა გადაილახოს, - ასე ეხმაურება „ქართული ოცნების“ დეპუტატი დიმიტრი ცქიტიშვილი იუსტიციის უმაღლესი საბჭოს წევრის სერგო მეთოფიშვილის „ფეისბუქზე“ გამოქვეყნებულ განცხადებას.

„მოსამართლის საქმე არ არის პოლიტიკურ პროცესებთან დაკავშირებით პოზიციების დაფიქსირება. ვფიქრობ, ეს ადამიანი არღვევს პროფესიულ სტანდარტს და პროფესიულ ზღვარს. ის იმ ფარგლებში უნდა დარჩეს, რაც არის მოსამართლის ფუნქცია და არ ჩაერიოს პოლიტიკაში“, - აღნიშნა ჟურნალისტებთან საუბრისას დიმიტრი ცქიტიშვილმა.

იუსტიციის უმაღლესი საბჭოს მოსამართლე წევრმა სერგო მეთოფიშვილმა დღეს დაწერა, რომ ეკა ბესელია და სხვა პოლიტიკოსები დიქტატორული მეთოდებით ებრძვიან სასამართლო სისტემას, რაც მისი შეფასებით, სამარცხვინო ფაქტია.

„უბრალოდ წარმოიდგინეთ, ბესელიამ და მისნაირმა პოლიტიკოსებმა ბოლო დღეებში მიზანმიმართულად გაკეთებული შეურაცხმყოფელი განცხადებებით როგორი უზარმაზარი ზიანი მიაყენეს საკუთარი ქვეყნის სასამართლო ხელისუფლების, ანუ საკუთარი ქვეყნის მესამე ხელისუფლების რეპუტაციას“, - წერს მეთოფიშვილი სოციალურ ქსელში.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ