ეკა ბესელია - ნუ დამახარჯინებთ დროს ისეთი არასერიოზული და კომიკური პერსონების გამო, როგორიც არის მოსამართლე მეთოფიშვილი

ნუ დამახარჯინებთ დროს ისეთი არასერიოზული და კომიკური პერსონების გამო, როგორიც არის მოსამართლე მეთოფიშვილი, - ასე უპასუხა მოსამართლე სერგო მეთოფიშვილის მიერ გაკეთებულ განცხადებას იურიდიულ საკითხთა კომიტეტის ყოფილმა თავმჯდომარემ ეკა ბესელიამ, რომელსაც მოსამართლე დიქტატორულ მმართველობაში ადანაშაულებს.

ეკა ბესელიას განცხადებით, მეთოფიშვილი განეკუთვნება ისეთ მოსამართლეებს, რომელიც ანგრევს სასამართლო სისტემას. მისი შეფასებით, მეთოფიშვილის მიერ გამოტანილი გადაწყვეტილებები არალეგიტიმურია. ეკა ბესელია მედიას მოუწოდებს, გადახედოს სერგო მეთოფიშვილის წარსულ სამოსამართლო საქმიანობას, სადაც მისი თქმით, კითხვის ნიშნები იკვეთება.

“ნუ დამახარჯინებთ დროს ისეთი არასერიოზული და კომიკური პერსონების გამო, როგორიც არის მოსამართლე მეთოფიშვილი, რომელიც ანგრევს სასამართლოს იმიჯს. კიდევ დიდხანს თუ ალაპარაკებენ, მეც და ჩემს კოლეგებსაც ძალიან ცოტა დრო დაგვჭირდება იმის დასამტკიცებლად, რისთვის ვიბრძვით. არავინ ისე არ ანგრევს სასამართლოს, როგორც ასეთი მოსამართლეები", - განაცხადა ეკა ბესელიამ.