დიდ დიღომში აფეთქების შედეგად დაზარალებულ ოჯახებს თბილისის მერია დროებითი საცხოვრებლით უზრუნველყოფს

დიდ დიღომში, აფეთქების შედეგად დაზარალებულ ოჯახებს თბილისის მერია დროებითი საცხოვრებლით დაეხმარება. ამის შესახებ ჟურნალისტებს დედაქალაქის მერის მოადგილემ, ირაკლი ბენდელიანმა განუცხადა.

როგორც ბენდელიანმა აღნიშნა, აფეთქების შედეგად მთლიანი კორპუსია დაზიანებული, თუმცა, არ დაუკონკრეტებია რამდენი ოჯახის ევაკუაცია შეიძლება განხორციელდეს.

„მინდა მივუსამძიმრო გარდაცვლილების ოჯახს. დადასტურებულად შეიძლება ითქვას, რომ 3 ადამიანია გარდაცვლილი და რამდენიმე ადამიანია დაშავებული. ამაზე შესაბამისი სამსახურები გააკეთებენ კომენტარს. გამომწვევ მიზეზებზე იცით, რომ ახლა ამ წუთისთვის შიგნით სამაშველო სამსახური და ექსპერტ-კრიმინალისტები მუშაობენ, უნდა დაველოდოთ მათ მონაცემებს, რას იტყვიან. ფაქტთან დაკავშირებით მოკვლევა დაწყებულია და დაველოდოთ გამოძიების შედეგებს. როგორც იცით, ახლაც, ამ წუთებშიც ადგილზე მუშაობენ სამაშველო სამსახურები, არის დიდი მოცულობის ნანგრევები, ფართების გამოთავისუფლებას დრო სჭირდება. ყველა დაზარალებულ ოჯახს, ვინც ამ ფაქტით ზიანი მიიღო, მაქსიმალურ ყურადღებას, მაქსიმალურ დახმარებას აღმოუჩენს დედაქალაქის მერია. არც ერთი ადამიანი თავშესაფრის გარეშე არ დარჩება. საცხოვრისებით და სასტუმროებით ყველა უზრუნველყოფილი იქნება. მუნიციპალიტეტის ჩართულობა იქნება მაქსიმალური“, - განაცხადა ბენდელიანმა და დასძინა, რომ თითქმის მთელი კორპუსი დაზიანებულია.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია