"იმედის კლინიკაში" მოთავსებული 4 წლის პაციენტს სიცოცხლის შემანარჩუნებელი ინტენსიური მკურნალობა უტარდება

„იმედის კლინიკაში" მოთავსებული 4 წლის პაციენტის მდგომარეობა მძიმეა, ის რეანიმაციულ განყოფილებაში იმყოფება და სიცოცხლის შემანარჩუნებელი ინტენსიური მკურნალობა უტარდება, - ამის შესახებ ჯანდაცვის მინისტრმა დავით სერგეენკომ ჟურნალისტებს განუცხადა.

"4 წლის პაციენტის ჯანმრთელობის მდგომარეობა მძიმეა, ის რეანიმაციულ განყოფილებაშია. ექიმები ყველაფერს აკეთებენ მისი სიცოცხლის გადასარჩენად. მისი ზოგადი მდგომარეობა კრიტიკულია და მე არ მაქვს უფლება მეტი დეტალი მოგახსენოთ. მოცემულ მდგომარეობაში მისი სხვა კლინიკაში ტრანსპორტირების შესახებ საუბარი არ არის. ის სიცოცხლის შემანარჩუნებელი ინტენსიური მკურნალობის ჩატარებას საჭიროებს. რაც შეეხება სხვა დაშავებულებს, იაშვილის კლინიკაში 6 ბავშვია. ხუთი მათგანის ჯანმრთელობის მდგომარეობა საბედნიეროდ მსუბუქია. ერთი არის საყურადღებო პაციენტი, რომელსაც ჩაუტარდა კვლევები და მძიმე დაზიანებები არ აღმოაჩნდა. თუმცა, ასეთი დაზიანებების პროტოკოლი მოითხოვს, რომ ისინი დარჩნენ ექიმების მეთვალყურეობის ქვეშ. კიდევ ერთი მოზრდილი პაციენტი არის ღუდუშაურის კლინიკაში, რომელსაც მსუბუქი დაზიანებები აღენიშნება. მას ჩაუტარდა პირველადი დახმარება", - განაცხადა სერგეენკომ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს