„იმედის“ კლინიკაში მოთავსებული 4 წლის ბიჭის გადარჩენა ვერ მოხერხდა. როგორც „იმედის“ კლინიკის წარმომადგენელმა განაცხადა, კლინიკაში მიყვანის დროს ის კლინიკური სიკვდილის მდგომარეობაში იყო ანუ გული ჰქონდა გაჩერებული. მისივე თქმით, პაციენტი კლინიკაში 20:30 საათზე მიიყვანეს.
"პაციენტს აღენიშნებოდა ქალას ძვლების მრავლობითი მოტეხილობა და ლიქორეა ყურიდან. თავის ტვინის მაგარი გარსი იყო დაზიანებული. გულის რიტმის აღდგენა მოყვანის შემდეგ მოხერხდა, თუმცა, დაახლოებით ნახევაარ საათში პროფილური სისხლდენის შემდეგ კვლავ განვითარდა გულის გაჩერება, რის შემდეგაც გულის მუშაობის აღდგენა ვეღარ მოხერხდა",- განაცხადა კლინიკის წარმომადგენელმა.
ამ დროის მონაცემებით, დიდ დიღომში, კორპუსში მომხდარი აფეთქების შედეგად დაღუპულთა რიცხვი 4 ადამიანს შეადგენს.
იხილეთ ვიდეო: აფეთქებისას დაშავებული 4 წლის ბიჭი გარდაიცვალა - ექიმის კომენტარი მომხდარის შესახებ