დიდ დიღომში, ავთანდილის ქუჩაზე მდებარე საცხოვრებელ კორპუსში მომხდარ აფეთქებას პრეზიდენტი სალომე ზურაბიშვილი სოციალურ ქსელში ეხმაურება. როგორც პრეზიდენტი „ფეისბუქის“ საკუთარ გვერდზე წერს, ის თითოეული ოჯახის მწუხარებას იზიარებს.
„საშინელი ტრაგედია მოხდა დიდ დიღომში. ვიზიარებ თითოეული ოჯახის მწუხარებას და ტკივილს,” - წერს ზურაბიშვილი.
პრეზიდენტმა იაშვილის სახელობის კლინიკაში მოთავსებული დაშავებულები მოინახულა და კლინიკა კომენტარის გარეშე დატოვა.