იაშვილის კლინიკაში, სადაც ექვსი დაშავებული მოზარდია მოთავსებული, პრემიერ-მინისტრი, დედაქალაქის მერი და ჯანდაცვის მინისტრი მივიდნენ. მთავრობის წარმომადგენლები კლინიკაში, დიდ დიღომში გაზის აფეთქების შედეგად დაშავებული მოზარდების ჯანმრთელობის მდგომარეობას ადგილზე გაეცნობიან. კლინიკაში ასევე იმყოფება პრეზიდენტი სალომე ზურაბიშვილი.
იაშვილის კლინიკაში მისვლამდე, მამუკა ბახტაძე და კახა კალაძე დიდ დიღომში, უშუალოდ აფეთქების ადგილას იმყოფებოდნენ.
ამასთან, დავით სერგეენკოს ინფორმაციით, გაზის აფეთქების შედეგად დაშავებული ექვსი მოზარდის ჯანმრთელობის მდგომარეობა სტაბილურია. რაც შეეხება დაშავებულ კიდევ ერთ მოზარდს, რომელიც „იმედის“ კლინიკაში იყო მოთავსებული, ცოტა ხნის წინ გარდაიცვალა.