საქართველოს პარლამენტის ფრაქცია “ქართული ოცნების“ თავმჯდომარე მამუკა მდინარაძე დიღომში, აფეთქების შედეგად დაღუპულთა ოჯახებს უსამძიმრებს.
როგორც მამუკა მდინარაძე აცხადებს, ყველაფერი უნდა გაკეთდეს იმისთვის, რომ ძალიან მოკლე დროში დადგინდეს შემთხვევის გამომწვევი მიზეზები. „ამ დროს სამძიმრის სიტყვებიც ზედმეტია... ეს ტრაგედია ჩემს სამაჟორიტარო ოლქში ხდება და ბოდიში ყველასთან იმისთვის, რომ არ ვარ საქართველოში და ადგილზეც ვერ მივდივარ. ყველაფერი უნდა გაკეთდეს იმისთვის, რომ ძალიან მოკლე დროში დადგინდეს შემთხვევის გამომწვევი მიზეზები! ვუსამძიმრებ გარდაცვლილთა ოჯახებს. ჯანმრთელობას ვუსურვებ დაშავებულ ადამიანებს, ჩვენ მათ გვერდით ვართ!“, - წერს მდინარაძე სოციალურ ქსელში.