საქართველოს პრეზიდენტის, სალომე ზურაბიშვილის ინფორმაციით, კორპუსის ჩამონგრევის შედეგად იაშვილის კლინიკაში გადაყვანილი ბავშვების სიცოცხლეს საფრთხე არ ემუქრება. ამის შესახებ სალომე ზურაბიშვილმა ჟურნალისტებს იაშვილის კლინიკაში განუცხადა, სადაც დაშავებული ბავშვები მოინახულა.
მისი თქმით, ამ ბავშვების მდგომარეობა შედარებით მსუბუქია.
„ვიზიარებ გარდაცვლილთა ოჯახების მწუხარებას. ძალიან მძიმე ტრაგედია მოხდა პირველ რიგში ოჯახებისთვის და მთლიანად ქვეყნისთვის. საბედნიეროდ, ბავშვების მდგომარეობა, რომლებიც აქ არიან, შედარებით მსუბუქია. არც ერთის სიცოცხლეს საფრთხე არ ემუქრება“, - განაცხადა ზურაბიშვილმა.
ამ დროის მონაცემებით, დიდ დიღომში, კორპუსში მომხდარი აფეთქების შედეგად 4 ადამიანი დაიღუპა, აქედან ერთი ბავშვია.
იხილეთ ვიდეო: სალომე ზურაბიშვილი აფეთქებისას დაშავებულებს მოინახულებს - პრეზიდენტი იაშვილის კლინიკაში მივიდა