პრემიერ-მინისტრ მამუკა ბახტაძის განცხადებით, დიდ დიღომში აფეთქების შედეგად დაშავებული 6 ბავშვი ღამის განმავლობაში იაშვილის კლინიკაში, ექიმების დაკვირვების ქვეშ დარჩება. ამის შესახებ მან ჟურნალისტებს იაშვილის სახელობის კლინიკაში განუცხადა.
“უდიდესი ტრაგედია დაგვატყდა დღეს თავს. გარდაცვლილია 4 ადამიანი, მათ შორის 1 მცირეწლოვანი ბავშვი. მინდა მივუსამძიმრო ეს ტრაგედია ყველას. იაშვილის კლინიკაში 6 პატარა პაციენტს ვმკურნალობთ. მათი ჯანმრთელობის მდგომარეობა დამაკმაყოფილებელია. ღამის განმავლობაში ექიმების დაკვირვების ქვეშ იქნებიან და დილით იქნება მიღებული გადაწყვეტილება მათი ოჯახებში დაბრუნების შესახებ”, - განაცხადა ბახტაძემ.