დიდ დიღომში მომხდარ აფეთქებას პარლამენტის თავმჯდომარე ირაკლი კობახიძე სოციალური ქსელით ეხმაურება. კობახიძე გარდაცვლილების ოჯახებსა და ახლობლებს სამძიმარს უცხადებს.
„უმძიმესია დიდ დიღომში მომხდარი ტრაგედია. ვუსამძიმრებ გარდაცვლილების ოჯახებსა და ახლობლებს”, - წერს კობახიძე ფეისბუკის საკუთარ გვერდზე.
დიდ დიღომში, ავთანდილის ქუჩაზე მდებარე საცხოვრებელ კორპუსში მომხდარი აფეთქებისას ოთხი ადამიანი გარდაიცვალა, რვა კი დაშავდა. გარდაცვლილთა შორის ოთხი წლის ბავშვია.