დიდ დიღომში, ავთანდილის ქუჩის 8 ნომერში, საცხოვრებელ კორპუსში, სადაც გუშინ ბუნებრივი აირის აფეთქება მოხდა, ამ წუთებში მცხოვრებლების შეყვანა იწყება.
როგორც ჟურნალისტებს საბურთალოს რაიონის გამგებლის მოადგილე ვაჟა წიკლაურმა განუცხადა, ოჯახიდან თითო წარმომადგენელი კორპუსში მცირე ხნით შევა.
„ხალხი გვინდა ავიყვანოთ სახლში. უსაფრთხოების წარმომადგენლებთან ავლენ თავის ბინებში, რომ აიღონ რაც სჭირდებათ", - განაცხადა წიკლაურმა.
ადგილზე იმყოფებიან სახანძრო და სამედიცინო სამსახურისა და საპატრულო პოლიციის წარმომადგენლები.
დიდ დიღომში, საცხოვრებელ კორპუსში მომხდარი აფეთქების შედეგად გარდაცვლილია 4 და დაშავებულია 8 ადამიანი.