დავით სერგეენკო - აფეთქების დროს დაშავებულ ბავშვს ყველა საჭირო კვლევა ჩაუტარდა, მჯერა, რომ მის ჯანმრთელობას საფრთხე აღარ დაემუქრება

აფეთქების დროს დაშავებულ ბავშვს ყველა საჭირო კვლევა და კონსულტაცია ჩატარებული აქვს, მჯერა, რომ მის ჯანმრთელობას საფრთხე აღარ დაემუქრება, - ამის შესახებ ჯანდაცვის მინისტრმა დავით სერგეენკომ იაშვილის კლინიკაში განაცხადა, სადაც დიდ დიღომში აფეთქების შედეგად დაშავებული ბავშვის ჯანმრთელობის მდგომარეობას გაეცნო.

"იაშვილის კლინიკაში გუშინ შემოვიდა 6 პაციენტი, 5 დილით გაეწერა. მათ ჯანმრთელობას საფრთხე არ ემუქრება. მკურნალობას აგრძელებს ერთი პაციენტი, რომელსაც ჰქონდა ჭრილობა და ქირურგიული ოპერაცია დასჭირდა. ახლა ბავშვი სტაბილურადაა. ყველა საჭირო კონსულტაცია და კვლევა ჩატარებული აქვს. ის კლინიკაში ექიმების მეთვალყურეობის ქვეშ იქნება და მჯერა, რომ მის ჯანმრთელობას საფრთხე აღარ დაემუქრება", - განაცხადა სერგეენკომ.

დიდ დიღომში, საცხოვრებელ კორპუსში გუშინ მომხდარი აფეთქების შედეგად 4 ადამიანი გარდაიცვალა, აქედან ერთი მცირეწლოვანი ბავშვია. დაშავდა 8 ადამიანი, თუმცა, ისინი კლინიკებიდან დღეს გაწერეს და ამ დროისთვის იაშვილის საავადმყოფოში მხოლოდ ერთი ბავშვი განაგრძობს მკურნალობას.

იხილეთ ვიდეო: ბავშვს ყველა საჭირო კვლევა და კონსულტაცია ჩატარებული აქვს - დაშავებული ბავშვი ჯანდაცვის მინისტრმა მოინახულა

სტრასბურგი და ხვალეო!..
ქართული პრესის მიმოხილვა 23.07.2019
ვიტალი ბალა - 2019 წლის არჩევნების შედეგად უკრაინაში არ შედგა პრორუსულ ძალთა რევანში და არ გამართლდა პრორუსულ ძალთა მოლოდინი
შს მინისტრის პირველი მოადგილე - 20 ივნისს შეუძლებელი იყო რომელიმე პოლიტიკოსის იქიდან გამორიდება, მასა იყო აგრესიული და შეტევაზე გადადიოდა
თბილისში სულხან-საბა ორბელიანის უნივერსიტეტის ახალი კამპუსის და საერთო საცხოვრებლის მშენებლობა მიმდინარეობს